သွီးခဲအောင်ချမ်းရေညဥ့်မှာ
အင်္ကျီပပါးချေနန့်
ပုဆိုးမဲ့ငါ့ကို
ဆောင်လီက
နှင်းကမ္ဗလာမှာသိပ်လိုက်တေ။
မိတ်ဂိုက်ဂိုက်တုန်လို့
ဆောင်ညဥ့်ကိုစစ်ဆင်
အပူစွမ်းအင်ရအောင်
ရဲဘော်ဝေထွန်း
နောက်ကုန်းချင်းကတ်ထားကတ်မေ။
ညဥ့်အမှောင်ကိုကျော်ဖြတ်
မိုးလင်းလတ်ကေ
လက်ထိပ်ခပ်လို့
တောမောင်းရုံးကိုပို့လိုက်တေ။
၃၁-ဒီဇင်ဘာ
အချုပ်အခြာကျဆုံးနိန့်မှာ
ဘန်ကောက်ကို အခမ်းအနားတက်ဖို့အလာ
ဘ(စ်)ကားထက်ကိုတက်လာရေ
သီနတ်တကားကားနန့်ရဲတိက
မှတ်ပုံတင်ထုတ်ကတ်လတ်။
မှတ်ပုံတင်မပါ
ဗလာအထောက်အထားနန့်
တောမရောက်ပြောက်ကျားနှစ်ယောက်ကို
ထိုင်းရဲက
အချုပ်နန့်မိတ်ဆက်ပီးလိုက်တေ။
ခိုင်မင်းညို
