ခိုင်လင်း {မေဃ၀တီ}
ခေတ်သစ်မှာ ပညာဆိုရေ ရင်းမြစ်ရေ အကြီးမားဆုံးမြစ်ဆိုစွာကို ကျနော်အနေနန့် ကြည်ဖြူစွာ လက်ခံပြီးသားပါရာ၊ ယုံကြည်မှုလည်းဟိပါရေ။ လူ့အဖွဲ့အစည်းတစ်ခု ဖွံ့ဖြိုးနိုင်ဖို့အတွက် ပညာဆိုရေ ရင်းမြစ်ရေ {အခရာ} ဆိုစွာကို လေ့ကြားဖူးပါရေ။ ပညာတတ်လူ့အလွှာထဲက အကန့်တကန့်ကို ဆွေးနွေးချင်စွာပါရာ။ အေပြဿနာကဇာလဲဆိုကေ တော်လှန်ရေးထဲက ပညာတတ်အချို့ စွန့်ခွါလားစွာရေ ပညာမဲ့တိ၏ ပယောဂနန့် ဖရိုဖရဲဟိနိန်ရေ လူ့အဖွဲ့အစည်းကြောင့်လို့ ပြုပြင်ပြောင်းလဲရေးသမားတိက ဆွေးနွေးလာကတ်ပါရေ။ ကျနော်အနေနန့်က တမိုးလုံးဖျောက်ဆိတ်မဖြစ်ဖို့ လိုအပ်ရေလို့ ထောက်ပြချင်ပါရေ။
နောက်တစ်ချက်က တော်လှန်ရေး၊ နိုင်ငံရေးထဲမှာ ပညာတတ်နန့် ပညာမတတ်တေအလွှာနှစ်ခုရေ ပဋိပက္ခလို့ ထောက်ပြလာကတ်တေ။ ပညာမတတ်တေ အချို့ခေါင်းဆောင်တိရေ ပညာတတ်တိကို ဖိနှိပ်မှု၊ ဖယ်ယှားမှု ကိစ္စနန့် ပညာတတ်အချို့ အောက်ကျနောက်ကျ နောက်လိုက်ပုံစံမျိုး စရေကိစ္စတိကို ဆွေးနွေးလာကတ်ပါရေ။ ယင်းပိုင် ကျယ်ကျယ်ပြန့်ပြန့် ဆွေးနွေးလာခြင်းရေ အမျိုးသားအတွက် ကောင်းရေလက္ခဏာတိပါရာ။ ဆိုကေ ပညာတတ်အချို့ရေ တော်လှန်ရေးကို စွန့်ခွါပနာ လားကတ်တေလုိ့ ထောက်ပြလာကတ်ပါရေ။ ကျနော့်အနေနန့် ပြောရကေ ယင်းပိုင်စွန့်ခွါလားရေ ပညာတတ်အချို့ကို ဖင်ပြန် ဂေါင်းပြန်စဉ်းစားလာရေ။ သူရို့စကားနန့်ပြောရကေ ပညာမဲ့လူအချို့တိရေ ချယ်လှယ်မှု၊ မရိုးသားမှု၊ ကျော်တက်ဖို့စွာကို ကြောက်မှုတိကြောင့် စွန့်ခွါလားရေပညာတတ်အချို့ကို ကျနော့်အနေနန့်ထင်စွာက အဂင့်စစ်မှန်ရေ မျိုးချစ်စိတ် သို့မဟုတ် ခိုင်မာရေမျုိးချစ်စိတ်မဟိလို့-လို့ ထင်မြင်မိပါရေ။ ကျနော်ထင်ပါရေ အဂင့်ပြင်းထန်ရေ မျိုးချစ်စိတ်ဟိကေ စိတ်ပျက်ဖွယ်ရာတိကြားမှာ ပုံဖေါ်ရဖို့လို့။ နောက်တချက်က ပညာတတ်အချို့ရေ အေပိုင်အခြေအနေတိကြောင့် စွန့်ခွာလားစွာဆိုရေ အလွယ်တကူတွေးတောလို့ရစွာထက် တဆင့်တိုးပနာ စဉ်စားကတ်ဖို့၊ ဆွေးနွေးကတ်ဖို့ လိုသိမ့်ရေလို့ထင်ပါရေ။ အားလုံးအဖြေရှာကတ်ဖို့ပါ။ တိုင်းပြည်ကို ရိုးသားစွာချစ်ရေ ပညာတတ်အချို့ဆိုကေ စိတ်ပျက်ဖွယ်ရာတိကြားမာ သူရို့ဘ၀တိကို ပီးဆပ်ပနာ နမူနာပြလားစွာတိကို အတုယူသင့်ပါရေ။ ဥပမာ ဆရာစံကျော်ထွန်း။
အဓိကကျောရိုးရေ တိုင်းပြည်နှင့်လူမျိုးအပေါ်မှာ ရိုးသားစွာ အမှန်ချစ်ရေစိတ်ဓါတ်အပေါ်မှာ အခြီခံရဖို့လို့မြင်ပါရေ။ ပညာမတတ်တေ လူအချို့ကြောင့်ဆိုရေ အတွေးတိကို ကျော်လွန်ဖို့သင့်ပါရေ။ အကယောင်း တိုင်းပြည်နန့်လူမျိုးအပေါ် ရိုးသားစွာချစ်တေဆိုကေ ပညာတတ်ရေလူဖြစ်ဖြစ်၊ ပညာမတတ်ရေလူဖြစ်ဖြစ်၊ ဘ၀ကိုပီးဆပ်ရပါဖို့။ အချို့ထောက်ပြကတ်တေအချက်က အချို့ပညာတတ်တိ် အေပိုင်စိတ်ပျက်ဖွယ်တိကြောင့်ဆိုရေ အကြောင်းပြချက်ရေ အကယောင်း ခိုင်လုံမှုမဟိလို့ဆိုချင်ပါရေ။ ခိုင်လုံမှုမဟိဆိုစွာကို အမျိုးသားရေးရှုထောင့်ကကြည့်ပနာ သုံးသပ်စွာပါ။ ကိုယ်ကျိုးရှာသမားတိဖြစ်လို့ စွန့်ခွာလားစွာလားလို့ တွေးကြည့်ဖို့လိုအပ်ပါရေ။ ကျနော်ရို့ရေ တိုင်းပြည်နန့်လူမျိုးအတွက် တော်လှန်ရေး၊ နိုင်ငံရေးလုပ်နိန်ကတ်စွာပါ။ ထဘိန်ပျောက်စွာလဲပါဖို့၊ မုဒိန်းမှုနန့်လဲကြုံရဖို့။ တရားစွာဖြစ်ဖြစ်၊ မတရားစွာဖြစ်ဖြစ်၊ ပြိုင်ဆိုင်မှုဟိဖို့။ အဆိုးစွန်ဆုံးပြောရကေ ရန်သူသတ်လို့မသီ ကိုယ့်အချင်းချင်းသတ်လို့ သီရဖို့။ ယင်းပိုင်မကြုံတွိချင်ဆိုကေ သစ်တစ်ပင် ၀ါးတစ်ပင်အောက်မှာ တရားအားထုတ်ဖို့ တောထွက်ရုံသာ။ မဟုတ်ကေ နိုင်ငံရေးမလုပ်ကေ့၊ စီးပွါးရေးလုပ်။ ကျနော့်အမြင်က အချို့ပညာတတ်တိ စိတ်ပျက်ဖွယ်တိကြောင့် စွန့်ခွါလားရေဆိုရေ ဆင်ခြီ၊ ဆင်လက်တိရေ ခိုင်မာရေအမျိုးသားစိတ်ဓာတ်မဟိလို့ပြောရပါဖို့။
ခိုင်မာရေအမျိုးသားရေးစိတ်ဟိရေ ပညာတတ်အချို့ဆိုကေ စိတ်ပျက်ဖို့၊ ငြီးငွေ့ဖို့၊ နောက်ဆုံး မိမိအသက်တောင် စတေးခံရဖို့ဆိုရေ အနိန်အထားတိဟိရေဆိုစွာကို ခန်မှန်းလို့သိကေလေ့ သူ၏ခိုင်မာရေ၊ ပြင်းထန်ရေ အမျိုးသားစိတ်ကြောင့် သူ၏ပညာရင်းမြစ်ကို အသုံးပြုပနာ တိုင်းပြည်နန့် လူမျိုးအတွက် ပုံဖေါ်လားကတ်စွာမနား။ ပညာတတ်သည်ဖြစ်ဖြစ်၊ မတတ်သည်ဖြစ်ဖြစ် တိုင်းပြည်နန့်လူမျိုးအပေါ်မှာ ရိုးရိုးသားသားချစ်လားကတ်ဖို့ရာ လိုအပ်ပါရေ။ အမှန်က ပညာမတတ်တေလူအချို့နန့် ပညာတတ်တေလူအချို့ရေ ပဋိပက္ခအသွင်ဆောင်နိန်ရေဆိုစွာ မဟုတ်လို့ထင်ပါရေ။ ပညာမတတ်တေလူအချို့နန့် ပညာတတ်တေလူအချို့ကိုယ်တိုင်က ပြင်းထန်ရေ အမျိုးသားရေးစိတ် ဟိကွန်ဆောင်ပနာ ရောယောင်ပြီး ကရောင်ကထောင် လုပ်ကတ်စွာလို့မြင်ပါရေ။
နောက်မျက်နှာစာတစ်ခုမှာလေ့ တိုးတက်သစ်လွင်ရေ အတွေးအခေါ်ဟိရေ လူတိနန့် ခေတ်ပညာတတ်အချို့ရေ ရခိုင့်တော်လှန်ရေး၊ နိုင်ငံရေးမျက်နှာစာမာ ထင်ပေါ်လာဖို့ စိုးရိမ်ရေလူအချို့ရေ ဟိကတ်တေဆိုစွာကို မငြင်းလိုပါ။ မိမိကိုယ်ကို ဗဟိုပြုချင်ရေစိတ်ဓါတ်တိကို ဖယ်ယှားကတ်ဖို့လိုပါရေ။ အလှကိုယ်စီဟိကတ်တေဆိုစွာကို လက်ခံကေ တလွဲဆံပင်ကောင်းပုံစံတိ ပျောက်ကတ်ပါဖို့။ မိမိကိုယ်ကို ဗဟိုပြုချင်ရေ စိတ်ဓါတ်တိလေ့ ပျောက်လားကတ်ဖို့ရာ။ ပြောရကေ၊ လက်နက်ချလားရေ သတင်းတိကြားတိုင်း ပျော်ရွှင်ကတ်တေ တော်လှန်ရေး၊ နိုင်ငံရေးသ္မားတိလေ့ ဟိကတ်တေဆိုဝါ။ ကိုယ့်အနိန်အထားကို ကိုယ်ကိုတိုင်သိအောင်ကြိုးစားပနာ လက်တွဲလုပ်လားကတ်ဖို့ဆိုကေ တိုးတက်မှုတိဟိဖို့လို့ထင်ရေ။ တခါတရီ ကျနော်ကြားရစွာတိဟိရေ။ ကျနော်က ဖက်ဒရယ် အကြောင်းတိကိုရာ ဆောင်းပါးတိ ရီနိန်ရေလတ်၊ ကျနော်ပြောကေ စော်ကားရာကျဖို့။ ဘုန်းကြီးလိုလို၊ ဖိုးသူတော်လိုလို လုပ်နိန်ကတ်စွာက မကန်ထွား။ ဘုန်းကြီးဆို ဘုန်းကြီးလုပ်၊ ဖိုးသူတော်ဆို ဖိုးသူတော်လုပ်။ ဗျူဟာ၊ မဟာဗျူဟာ၊ နည်းဗျူဟာစရေ စကားတိနန့် လာမပြောကေ့။ ကိုယ့်ကို ကိုယ်လဲဆင်ခြီမပီးကေ့။ ဘုန်းကြီလုပ်ပြီး ဖိုးသူတော်အကျင့်ကိုကျင့်နိန်ကေ သမိုင်းမှာအပြောခံရဖို့။ ဖိုးသူတော်လုပ်ပြီး ဘုန်းကြီးအကျင့် ကျင့်နိန်ကေ ချီးကျူးကတ်ဖို့။ သမိုင်းမာလဲလှပဖို့။ လိမ္မာပါးနပ်မှုအရ လုပ်နိန်ကတ်စွာပါရာမနား ဆိုရေအတွေးတိဟိကေ ကျနော်ရို့အတွက် အငြင်းပွါးစရာတိ နည်းလာဖို့ထင်ပါရေ။
ကျနော်၏ဆွေးနွေးမှုတိအရ ပညာတတ်တိကို ဆန့်ကျင်နိန်ရေလို့ ကောက်ချက်မဆွဲစီချင်ပါ။ ကျနော်ရို့ လူ့အဖွဲ့အစည်းကို ပြုပြင်ပြောင်းလဲ တိုးတက်ရေးမာ ပညာအရင်းအမြစ်တိ လိုအပ်ရေဆိုစွာကို ကျနော်နားလည်သဘောပေါက်ရေပိုင် ယုံကြည်မှုလေ့ဟိပါရေ။ ပညာတတ်အုပ်စုထဲက အကန့်တကန့် (သို့မဟုတ်)ကဏ္ဍတခုကို ဆွေးနွေးပြစွာပါ။ ယင်းအကန့်တကန့်အတွက် တွေးတောသုံးသပ်မှုတိ လွဲချော်မှုတိကို ထောက်ပြစွာအဆင့်ပါရာ။ ဆက်ပနာဆွေးနွေးရကေ ပညာတတ်လူတယောက်က ရိုဟင်ဂျာဆိုရေ
နာမည်သစ်နန့် လူမျိုးတမျိုးအဖြစ် သတ်မှတ်ပနာ ရခိုင်ပြည်တ၀က်ကိုလေ့ သူရို့နယ်မြီပါလို့ လက်ခံရေဆိုကေ၀ါ။ ယင်းပိုင်အခြေအနေတိလေ့ ဟိကတ်စွာပါနမ်း။ အေပိုင်အခြေအနေတိကိုလေ့ချင့်တွက်ရဖို့ ဆိုစွာပြောလိုစွာပါ။ ဆိုလိုစွာက ပညာတတ်သည်ဖြစ်ဖြစ်၊ ပညာမတတ်သည်ဖြစ်ဖြစ်၊ ဖောက်ပြန်ရေလူတိဟိစွာကိုလေ့ စဉ်းစားရဖို့ ဆိုလိုစွာပါ။ တမိုးလုံး ဖျောက်စိတ်မဖြစ်ဖို့ လိုအပ်ပါရေ။
ဇာပင်ဖြစ်နိန်နိန် တိုင်းပြည်နန့်လူမျိုး တိုးတက်ဖွံ့ဖြိုးရေးအတွက် တော်လှန်ရေးတရပ်ဆင်နွှဲရာမာ စိတ်ပျက်စရာ၊ ငြီးငွေ့စရာတိဟိစွာပိုင် ဘ၀တိ၊ အသက်တိကိုလေ့ပီးဆပ်ပနာ ကျနော်ရို့လူ့အဖွဲ့အစည်းအတွက် ခိုင်မာရေအုတ်မြစ်ချနိုင်ဖို့(သို့မဟုတ်) ခိုင်မာရေ အုတ်မြစ်မချနိုင်တောင်မှ ခိုင်မာရေအုတ်မြစ်ချနိုင်ရေးအတွက် အဆင့်ဆင့်ပုံဖေါ်ဖို့ လိုအပ်တေလို့မြင်မိပါရေ။ နောက်တချက်က ပညာတတ်အချို့ရေ ပျက်စီးနိန်ရေ လူ့အဖွဲ့အစည်းကိုမြင်လို့ အယှုပ်အထွီးကိုမခံချင်လို့ ကျောခိုင်းစွာဆိုခြင်းရေ ဇာလောက်ပင် အမျိုးသားရေးစိတ်ဟိရေလို့ပြောပြော လက်ခံနိုင်စရာအကြောင်းမဟိ။ အဂင့်(အကယောင်း)ပြင်းထန်ပြီး ခိုင်မာရိုးသားရေ အမျိုးသားစိတ်ဟိကေ မိမိရို့၏ပညာရင်းမြစ်တိကို စနစ်တကျအသုံးချပနာ တိုင်းပြည်နန့်လူမျိုးအတွက် ပုံဖေါ်လားရပါဖို့လို့ ကျနော်ထင်ပါရေ။ ဟုတ်ပါယင့်၊ ကျနော်လည်းကြားဖူးပါရေ။ ရင်းမြစ်တကာ့ရင်းမြစ်ထဲမှာ ပညာရင်းမြစ်ရေ အကြီးမားဆုံး၊ အကြီးကျယ်ဆုံးလို့။ ကျနော်၏တိုင်းပြည်နန့် လူမျိုးအပေါ် တိုးတက်စီချင်ရေ စေတနာနန့် တထွာတမိုက်အမြင်ရေ အုတ်တချပ် သဲတပွင့်ဖြစ်ခကေ။ ။
